പ്രിയ വാര്യരുടെ 'ശ്രീദേവി ബംഗ്ലാവ്' റിലീസ് ഉടന്‍; ആദ്യ ബോളിവുഡ് ചിത്രത്തെക്കുറിച്ച് താരം

ഇപ്പോഴിതാ, ചിത്രത്തിന്റെ റിലീസ് ഉടന്‍ ഉണ്ടാവുമെന്ന് വ്യക്തമായിരിക്കുകയാണ്. പ്രിയ വാര്യര്‍ തന്നെയാണ് ഒരഭിമുഖത്തില്‍ ഇക്കാര്യം വ്യക്തമാക്കിയത്.

'ശ്രീദേവി ബംഗ്ലാവിന്റെ ഒരു പ്രമോ സോങ് ഒക്കെ ഈ അടുത്ത് ഷൂട്ട് ചെയ്തു. ബാക്കി എല്ലാം കഴിഞ്ഞിരിക്കുകയാണ്. ഇപ്പോള്‍ പോസ്റ്റ് പ്രൊഡക്ഷന്‍ നടന്ന് കൊണ്ടിരിക്കുകയാണ്. ഏപ്രിലില്‍ റിലീസ് ഉണ്ടാവുമെന്ന് വിചാരിക്കുന്നു.' - പ്രിയ പറഞ്ഞു.

അര്‍ബാസ് ഖാന്റെ കൂടെയുള്ള അഭിനയം വലിയ കാര്യമായിട്ട് കാണുന്നെന്നും അദ്ദേഹം പിന്തുണയോടെ നിന്നെന്നും പ്രിയ വ്യക്തമാക്കി. 'അദ്ദേഹം എന്നോട് പറഞ്ഞത്, എത്ര സിനിമകള്‍ ചെയ്താലും ഓരോ സിനിമയും ആദ്യ സിനിമ പോലെ ചെയ്യണമെന്നാണ്. അത്രയും പാഷന്‍ ഉള്ള ഒരാളാണ്. '- പ്രിയ പറഞ്ഞു.